உன் அருகாமையும் அவஸ்தைகளும்

நீ அருகே இருக்கையில்
தெரிவதில்லை
என் நிகழ்காலத்தின் அசைவுகள்.

உன் விழிபார்த்த சிலிர்ப்பில்
உடைந்துபோகிறேன்
அடையாளமில்லாது.

உயிரற்றுப்போன
இந்த வாழ்தலில்
உன் ஞாபகங்களின் பின்னால்
ஓடிக் கொண்டிருக்கிறேன்
ஓய்வில்லாமல்.

பிரபஞ்ச எல்லைகளுக்கப்பால்
ஒரு மாயவெளியில்
உன்னோடு மோகித்துக்கிடக்கும்
என் கனவு.

உன் பார்வைகள்
என் மேல் விழுமென்று
அலையாய் அலையும் மனம்.

பார்க்கும் இடத்திலெல்லாம்
உன் படையெடுப்பு
பிடிபட்ட அடிமையாய் நான்.

எனக்கு என்ன நேர்ந்துவிட்டது?
நீ அருகே இருக்கையில்
தெரிவதில்லை
என் நிகழ்காலத்தின் அசைவுகள்.